اليومين دول بتراودنى كالعادة فكرة مجنونة …
وهى فكرة إنى عايز أقعد مع نفسي …
مش أقعد مع نفسى وأراجع حسابتي واشوف ايه اللى ليا وايه اللى علي لأ مش ده اللى أقصده الموضوع أكبر من كده ..
اللى أقصده إنى أقعد مع نفسى بجد … يعنى أشوف نفسى زى ما الناس ما بتشوفها مش زى ما أنا بشوف نفسى ..
طبعا لما نيجي نتحدث عن الديمقراطية هنتفرع لمواضيع كتيرة هنا منها الفول والطعمية والمهلبية وعشان ما نتفرعش لمواضيع كتيرة نرجع تاني لموضوعنا الأصلي “فتة الكوارع” .
طبعا فتة الكوارع زي ما انتوا عارفين بتحتوي علي جهاز كمبيوتر بنتيوم فور وطابعة اتش بي الوان وطبعا استخدامهم بيختلف من شخص لأخر . في ناس بتستخدمها عشان تغسل سنانها وفي ناس بتستخدمها عشان تقرا الجرايد في كلتا الحالتين مفيش اختلاف كبير غير ان السكانر بيستخدم في قراءة الصور وتحويلها لصور بردة يعني مستفدناش حاجة من الوقع المرير الي كلنا بنعيشة علي ارض الخيال الا واقعي ..
مشهد داخلى
قاعة مؤتمرات بشركة كبيرة … القاعة مليانة على الآخر الموظفين وعمال الشركة كلهم حاضرين … وده المؤتمر السنوى لمناقشة أوضاع الشركة وتكريم الموظف المثالى ..
شوية ويقوم عبد الهادي بيه رئيس مجلس الإدارة عشان يقول كلمته …
ولسه يدوبك هيكمل كلمة أعزاء ما يلحقش من الأخوة المطبلتية
- المطبلاتى فى اللغة المعاصرة تعنى المنافق وماسح الجوخ وايضاً يطلق عليه لقب كداب الزفة -
وواحد تانى يطلع ويقول
“عبد الهادى بيه يا بلاش واحد غيره مينفعناش”
شوية ويطلع واحد من نص القعدة … ويقول بصوت عالى …
الموضوع بدا معايا من نكتة ايوة نكتة
بس يا الاء عشان انا جاى من الشغل مصدع
عمو عمو طيب ايه رايك اقولك نكتة
قولى يا اختى (اصل بنت اخويا دمها خفيف حاجة كده يعنى مفيش اخف منها 
طالعه لعمها اللى هو أنا )
بيقولك يا عمو قال ايه مرة قرية كان اهلها كلهم اغبياء كان عندهم حفرة فى القرية … الحفرة دى كان كل يوم يوقع فيها واحد يتعور يروحوا شايلينه وطالعين بيه على المستشفى …. لغاية لما القرية كلها اتهبدلت .. 
الدايرة دى طلعت موضوع كبير قوى واحنا مش حاسيين الشكل العجيب ده مهم جداً فى حياتنا …
الدايرة بتشاركنا حياتنا فى كل حاجة احنا اساسا حياتنا ما هى إلا عبارة عن دايرة كبيرة جواها دواير صغيره وكل ديره جواها دواير تانيه وإلخ إلخ …
بوص كده حواليك شوف فى كام حاجة مدورة … الأرض اللى احنا عايشين عليها دى كلها اساسا عبارة عن دايرة كبيرة
السلام عليكم ورحمة الله وبركاته …
أخيراُ زيست …
ابن رشد اون لا ين يا جدعان .. اه والله كبرت اهوه وبقى عندى مدونة …
أنا ليا أكتر من سنة بفكر اعمل مدونة .. وكان ليا محاولات كتير … بس للأسف فشلت … لأسباب كتير … هبقى اقول عليها بعدين ..
مفيش واحد ابن حلال كده يطلع لى ويقولى يا عم هى ناقصاك انت كمان … هى المشرحة ناقصة قتلة … يعنى خلاص عندنا قلة فى الأيدى العاملة المدونتية عشان تيجى انت كمان وتدون علينا … طيب دون يا عم الحاج وسمعنا …
